Хөдөлгүүрийн хурд нэмэгдэх үед батарейн цэнэг шавхагдах учраас цэнэглэгч систем нь батарейгаас илүү их хүчдэлийг үйлдвэрлэн гаргах чадвартай байх хэрэгтэй болдог. Цэнэглэгч нь цахилгаан хэрэгслүүдийг тэжээлээр хангахаас гадна нөөц электронуудыг үүсгэн батарейг цэнэглэдэг.
Цахилгааны хэрэглээ нэмэгдэж цэнэглэгчийн хүчдэл унаснаар батарейн тэжээлтэй тэнцүү болох юм бол энэ үеийн хэрэглээг цэнэглэгч батарей хоёул хамтран хангах болно.
Уламжлалт цэнэглэгч систем нь дараах бүрэлдэхүүн хэсгүүдтэй. Үүнд:
- Батарей
- Генератор
- Дамжуулагч ремен
- Хүчдэл тогтворжуулагч
- Индикатор (цэнэглэгч хэвийн ажиллаж буйг илтгэх гэрэл эсвэл хэмжигч)
- Асаалтын свич
- Кабел утас, бэхэлгээ
- Асаалтын релей (зарим системд)
- Гал хамгаалагч (зарим системд)
Энэ удаад мөн гибрид хөдөлгүүрийн цэнэглэгч системийн талаар танилцуулах болно. Гидрид нь хөдөлгүүр ажиллах үед ISG эсвэл хувьсах гүйдлийн генераторыг ашиглаж HV батарейг цэнэглэнэ. Тэд мөн нөхөн сэргээгддэг тоормослолтын системийг ашиглана.
Бүх цэнэглэгч нь цахилгаан соронзон индукцийн үзэгдлийг ашиглана. Цахилгаан соронзон индукцийн үзэгдэл нь соронзон оронтой харьцуулахад дамжуулагч хөдөлж байвал түүн дотор цахилгаан хөдөлгөгч хүч үүсдэг явдал юм. Энэ үед үүсэх цахилгаан хөдөлгөгч хүч нь:
- Соронзон орон дотор хөдлөх дамжуулагчийн хурд
- Соронзон орны хүч
- Дамжуулагчийг нэвтрэн өнгөрөх соронзон орны урсгал энэ 3-аас хамаарна.
Зурагт статор буюу хөдөлгөөнгүй дамжуулагч дотор соронзон орныг эргүүлэх үед дамжуулагчаар хэрхэн гүйдэл гүйж байгааг харуулсан болно. Дамжуулагч соронзон оронтой параллель буюу А зурагт үзүүлсэн байрлалд байх үед түүнийг нэг ч соронзон урсгал дайрч гарахгүй. Энэ үед дамжуулагч дахь хүчдэл болон гүйдэл тэг утгатай байна.
Харин В зурагт үзүүлсний дагуу соронзон дамжуулагчийн харалдаа байрлах үед дамжуулагчийг нэвтлэн гарах соронзон урсгал хамгийн ихдээ байна. Энэ үед хүчдэл позитив максимум утгаа авна. Үүнээс хойш соронзон орон 90 хэм эргэж дамжуулагчтай зэрэгцээ болж ирэхэд дамжуулагчаар нэвтрэн өнгөрөх соронзон урсгал алга бол хүчдэл эргээд тэг болно.
Соронзон цааш 90 хэм эргэж D зурагт үзүүлсэн байрлалд очиход дамжуулагчаар нэвтрэх соронзон урсгал мөн хамгийн их утгадаа хүрэх ч энэ удаа туйл нь солигдсон байх тул негатив максимум утгаа авна. Ингээд цааш бүтэн эргэж анхны байдалдаа ирэхэд дамжуулагчийг нэвтлэх соронзон урсгал ахин байхгүй бол хүчдэл тэг болно.
Ингээд энэ хөдөлгөөний үед дамжуулагч дээр үүсэх хүчдэлийн хэлбэрийг харах юм бол энэ нь синусийн хуулиар өөрчлөгдөж буйг харах болно. Соронзон орныг ингэж эргүүлэхдээ хөдөлгүүрийн тахир голтой холбогдсон дамжуулагч ремен ашиглана. Тийм учраас энэ дамжуулагч ремены чанга сулыг үе үе сайн шалгаж байх хэрэгтэй. Хэрэв дамжуулагч ремен сул бол цэнэглэгч систем ажиллахгүй, харин хэт чанга бол механик гэмтэл учруулах боломжтой.
